АПУ компанийн ажилчид нийслэл хот үүсч байгуулагдсаны 375 жилийн ойн параданд оролцлоо

29.10.2014


Одоогоос 375 жилийн тэртээ 1639 онд Өндөр гэгээн Занабазарыг Анхдугаар Богд Живзундамба хутагтаар өргөмжилж тусгайлан Шар бүсийн хотыг байгуулсан нь Улаанбаатар хотын эхлэл болжээ. Харин эдүгээ хэдийн саятан хотын эгнээнд нэгдсэн манай нийслэл ойн баяраа сүр жавхлантайгаар тэмдэглэн өнгөрүүлж байна.

АПУ компанийн ажилчид 10-р сарын 29-нд болсон "Найрсаг Улаанбаатар" их хотын фестивалийн парад шоунд оролцож их ойн баярт мөчөөс хуваалцлаа. Энэхүү парад шоунд 37 компани, аж ахуйн нэгж оролцсон бөгөөд хотын иргэдэд баясал, бахдал төрүүлж нэгэн өдрийг хамтдаа үдсэн юм.Энэхүү арга хэмжээг Монгол улсад суугаа гадаадын 9 элчин сайдын яам нийслэлийн 4000 орчим иргэн үзэж сонирхжээ.