Төсөл хариуцсан захирал А.Мэндбаяр "Германд төгсөгчдийн өдрүүд" чуулга уулзалтад илтгэл тавьлаа

20.10.2014


МУ-ын гадаад харилцааны яам, Германы элчин сайдын яам, ХБНГУ-ын Шилжилт Хөдөлгөөн Хөгжлийн Төв, Германы эрдмийн солилцооны албаны дэмжлэгтэй Монгол-Германы гүүр ТББ, ДААД-Клубтэй хамтран "Германд төгсөгчдийн өдрүүд 2014" чуулга уулзалтыг 10-р сарын 17-ны өдөр зохион байгууллаа.

Чуулганд манай орны хөгжилд ихээхэн хувь нэмэр оруулж буй Германд боловсрол эзэмшсэн залуус оролцсон бөгөөд МУ-ын Шадар сайд Д.Тэрбишдагва, ХБНГУ-аас МУ-д суугаа элчин сайд Герхард Тийдеманн нар нээж үг хэлсэн. Мөн чуулганы хүрээнд "Монгол-Германы хоорондох эдийн засгийн хамтын ажиллагааны өнөөгийн байдал хэтийн төлөв" хуралдаанд АПУ компанийн Төсөл хариуцсан захирал А.Мэндбаяр илтгэл тавьсан. Тэрээр Герман технологийг Монголд нэвтрүүлсэн туршлагаа хуваалцсан юм. АПУ компанийн шилдэг бүтээн байгуулалт болох Сүүний үйлдвэр, Ложистик бүрэн автомат агуулах, шинэ пивоны үйлдвэрүүд нь Германы технологийг ашигладаг төдийгүй бусад үйлдвэрлэлдээ ч Германы "Krones", "GEA" зэрэг фирмийн тоног төхөөрөмжийг ашиглаад 10-н жил болсон туршлагатай үйлдвэрлэгч юм.