apu logo
Нүүр хуудасБидний тухайМэдээНийгмийн оролцооБрэндүүдКомпанийн хариуцлагаАжлын байрХөрөнгө оруулагчид

 

  АПУ компанийн наян таван жилийн түүх бол монгол үндэстэн орчин цагийн сархад, умдаа өөрснөө бүтээн зооглож ирсэн түүх юм. Найм, есөн зууны тэртээд дэлхийг байлдан дагуулж явахдаа газар газрын хатуу, зөөлөн идээг дээжилж үзсэн Чингэс хааны талын баатарууд суурин иргэдийн умдааг сая өөрснөө нэрж, исгэж эхэлсэн билээ. ХХ зууны эхээр 1924 онд тулгаа тулсан манай үйлдвэр монголчууд анх удаа иргэншин суурьшиж, үйлдвэржин хөгжих эхлэл-ууган үйлдвэр, анхны брэндийн нэгэн бас байлаа. Үндэстнийхээ суурьшил иргэншил, аж үйлдвэржилтийн шастиртай үе тэнгийн нас намтартай АПУ үйлдвэр өнөөдөр дотооддоо үндэсний үйлдвэрлэл, хөгжил дэвшлийн бэлгэдэл болж 21 аймаг, 50 гаруй сум, нийслэл дэх худалдааны үйлчилгээний 2000 гаруй цэгээр дамжин хэрэглэгчидтэйгээ харилцаж байна. Олон улсын үзэсгэлэн яармагуудаас бидний хүртсэн шагнал, медалиуд Монгол улсынхаа хөгжил, дэвшил, монгол хүний бүтээх чадварын нэгэн бахархал болдог билээ. Манай компани үндэсний томоохон үйлдвэрлэгч татвар төлөгчийн хувьд олон арван тэрбум төгрөгийг улсын төсөвт оруулж батлан хамгаалах, эрүүл мэнд, боловсрол болон бусад салбарт өөрийн дэмийг өгдөгтөө бахардаг. Сонгодог болоод орчин үеийн урлаг, спортыг хөгжүүлэх үйлсийг биечлэн ивээн тэтгэж, санхүүжүүлдэг уламжлалаа тэмдэглэхэд таатай байна. Унаган байгалиа авран хамгаалах, өв соёлоо сэргээн хадгалахаас эхлээд нийгмийн чанартай олон үйл ажиллагагаанд хөрөнгө оруулж байгаагаа бас дурдъя. Ажил амьдралын эрч хүч, бүтээн босгох эрдэм билигээ АПУ компанийхаа хөгжил дэвшилд зориулсан үе үеийн ажилчин, албан хаагч, инженер техникийн сэхээтнүүд болон тэдний гэр бүлтэй бид 85 насныхаа баяр хөөрийг хуваалцаж, аз жаргал ерөөж байна. Үндэснийхээ ууган брэнд АПУ үйлдвэрийн хөгжил дэвшилтэй ямагт хамт байж, улс эх орныхоо түүхийг бичилцсэн ард олондоо талархал өргөж, хүндэтгэл илэрхийлье.

АПУ ХК-ийн Төлөөлөн Удирдах Зөвлөлийн дарга,
Монгол Улсын Аж үйлдвэрийн гавъяат ажилтан П.Батсайхан

hee
Зохиогчийн бүх эрх хуулиар хамгаалагдсан. © 2010 он.
Developed by: miniCMS™ v2



ЭНЭХҮҮ ХЭСЭГТ НЭВТРЭХИЙН ТУЛД
ТА 18 НАС ХҮРСЭН БАЙХ ЁСТОЙ

ТӨРСӨН ОН САР ӨДРӨӨ ОРУУЛНА УУ

Жишээ нь (19820519)


НАМАЙГ САНАХ
АПУ ХК нь хариуцлагатай зохистой хэрэглээг эрхэмлэдэг