Ангилал: Тогтвортой хөгжил

“НОГООН ДАДАЛТ МАЛЧИД” мэдлэгжих аяныг эхлүүллээ

Post author By urankhishig.g
Post date 9-р сар 13, 2023

АПУ ХК-ийн бүтээгдэхүүний гол түүхий эд бол Монгол орны үржил шимт нутагт бэлчээрлэн өвсний сайнаар идээшсэн үнээний цэвэр сүү билээ.

Түүхий эдийг малчдын гараас хэрэглэгчийн гарт очих хүртэлх оролцогч бүх талууд буюу малчдаас үйлдвэрлэгч, цаашлаад хэрэглэгч хүртэлх бүхий л үе шатанд үүрэг, хариуцлагаа ухамсарлаж, тогтвортой үйлдвэрлэл, зохистой хэрэглээний дадал, шаардлагыг хэвшүүлэн ажиллах нь хамгийн чухал юм.

Бид 1600 гаруй малчид фермерүүдтэй нягт хамтран ажилладаг бөгөөд малчдынхаа Хөдөө аж ахуйн зохистой дадал болон баталгаат органик хүнсний талаарх ойлголтыг нэмэгдүүлэх, сүүний чанарыг сайжруулах зэрэг зорилгоор “НОГООН ДАДАЛТ МАЛЧИД” мэдлэгжих аяныг санаачлан эхлүүлээд байна.

“НОГООН ДАДАЛТ МАЛЧИД” мэдлэгжих аянаар дамжуулан сүү бэлтгэн нийлүүлэгчдийнхээ чадавхыг сайжруулах, хамтын ажиллагаагаа “Бэлтгэгч, Худалдан авагч” хүрээнээс хальж урт хугацааны тогтвортой хамтран ажиллагсад болон хамт хөгжих зорилго тавин, үе шаттайгаар ажиллаж байна. Тиймээс мэргэжлийн байгууллагатай хамтран малчдад сүүний баталгаажсан органик мал аж ахуйн талаарх мэдээллийг хүртээмжтэйгээр хүргэхээр ажиллаж эхэллээ.

Стратегийн онцгой хүнс болсон сүүний чанар, АПУ ХК-ийн сүү бэлтгэн нийлүүлэлтийг түүчээлэн ажиллаж буй Зүүнхараа дахь малчид маань аяны эхний арга хэмжээнд оролцсон юм.

Аяны хүрээнд анхан шатны үйлдвэрлэгч буюу малчдад Хөдөө аж ахуйн зохистой дадлыг хэвшүүлэх, баталгаажсан органик Монгол хүнс бэлтгэх замын зургийг мэргэжлийн байгууллагуудтай хамтран танилцуулж, өрхийн санхүүгийн боловсрол, малчдад чиглэсэн санхүүгийн хүртээмжийг цахим платформуудаар дамжуулан ойртуулах зэрэг салбарын цаг үеийн боломж, хандлагыг хуваалцсан юм.

Мөн цаашид Архангай аймгийн Чулуут сумын сүү бэлтгэн нийлүүлэгчдийнхээ дунд “Ногоон Дадалт Малчид” мэдлэгжих аяныг зохион байгуулахаар төлөвлөөд байна.

Онцлох хэвлэлийн мэдээлэл Нийгэмд чиглэсэн бодлого Мэдээллийн сан Онцлох мэдээлэл Тогтвортой хөгжил Хэвлэлийн мэдээ Санал болгох мэдээ Нүүр хуудасны онцлох мэдээ Нүүр хуудас - мэдээ Мэдээ, мэдээлэл

Монгол Улсын Ерөнхийлөгч У.Хүрэлсүх АПУ компанийн “Монгол бяслаг, Шигүдэри” урлах үйлдвэрт зочиллоо

Post author By Azbileg T
Post date 9-р сар 12, 2023

Монгол Улс сүү сүүн бүтээгдэхүүний дотроос ганцхан бяслаган бүтээгдэхүүний 90 гаруй хувийн импортын хамааралтай байдаг бөгөөд 2022 оны байдлаар 3000 тн бүхий 103 тэрбум төгрөгийн бяслаг төст, дуураймал бяслагийг импортлоод байна. Өөрөөр хэлбэл, бид орлуулагч ороогүй цэвэр сүүгээр хийсэн бяслаг хэрэглэдэггүй гэсэн үг.

Монгол Улсын Ерөнхийлөгч Ухнаагийн Хүрэлсүх “Хүнсний хувьсгал” хөдөлгөөнийг санаачлан хүнсний хангамж, аюулгүй байдал, тэр дундаа эрүүл чанартай хүнсийг Монгол хүн бүрд хүргэх зорилгоор хүнсний салбарт ажиллаж буй хувийн хэвшлүүдтэй хамтран ажиллаж буй билээ. Энэхүү хамтын ажиллагааны нэг хэсэг болж АПУ компаниас “Цагаан хувьсгал” санаачилгыг 2023 оны 03 сард дэвшүүлж, 8 зорилтын хүрээнд сүүний салбарт манлайлж ажиллахаа илэрхийлсэн билээ.

Монгол Улсын Ерөнхийлөгч Ухнаагийн Хүрэлсүх өнгөрөгч оны 6 сард 7 брэндийн 60 гаруй нэр төрлийн сүү, сүүн бүтээгдэхүүн үйлдвэрлэдэг АПУ Дэйри: Монгол сүүний үйлдвэрийн үйл ажиллагаатай танилцсан бол энэ удаа Монголдоо төдийгүй дэлхийд ховорд тооцогдох “Монгол бяслаг, Шигүдэри” урлах үйлдвэрт зочиллоо. Энэхүү үйлдвэр нь Сэлэнгэ аймгийн Мандал сум, Зүүнхараагийн малчдаас жил тутам 3.6 тэрбум төгрөгийн сүү худалдан авч, уг түүхий эдээрээ Европ технологи ашиглан гаргасан Чеддар, Гоуда, Моцарелла зэрэг бяслаг болон Монголын уламжлалт сүүн сархад бүхий Шигүдэри брэндийг урлан үйлдвэрлэж байна.

Монгол Улсын Ерөнхийлөгч Ухнаагийн Хүрэлсүх тус үйлдвэрт айлчлахдаа “эх орноо эрүүл хүнсээр хангах, хүнс экспортлогч болох их үйлсэд хүч хөдөлмөр, сэтгэл зүрх, хичээл зүтгэлээ дайчлан ажиллаж байгаа эрхэм хүндэт та бүхэнд чин сэтгэлийн талархал илэрхийлээд, уламжилсан сүү боловсруулах арга барилыг сүүлийн үеийн техник технологитой хослуулан хөгжүүлж, дэлхийн стандартад нийцсэн сүү, сүүн бүтээгдэхүүн үйлдвэрлэхийг цаг үе биднээс шаардаж байна.” гэж онцоллоо.

“Монгол бяслаг, Шигүдэри” урлах үйлдвэр нь хаягдалгүй, гадна агаарын хүйтнийг нөөцлөх замаар хөргөлтийн төхөөрөмжийн ачааллыг тэнцвэржүүлж, эрчим хүчний хэрэглээг бууруулах эко барилгын технологи бүхий техник, технологийн цогц шийдэл бүхий иж бүрэн цогцолбор юм. Үйлдвэр ашиглалтад орсноор тус орон нутгийн сүүний 30%-г татан авч, 40 шинэ ажлын байр, сүү бэлтгэн нийлүүлэх малчид, фермерүүдтэй тогтмол хамтын ажиллагаатай болж, хоногт 24 тонн, жилдээ 7.2 сая литр шингэн сүүг боловсруулан Монгол малын сүүнээс дэлхийн стандартад нийцсэн 5-6 төрлийн бүтээгдэхүүн үйлдвэрлэж, экспортод гаргах боломж бүрдэж эхлээд байна.

Монгол Улсын Ерөнхийлөгч У.Хүрэлсүх “Монгол бяслаг” үйлдвэрийг нээж хэлсэн үг

Нийгэмд чиглэсэн бодлого Мэдээллийн сан Онцлох мэдээлэл Тогтвортой хөгжил Санал болгох мэдээ Нүүр хуудасны онцлох мэдээ Нүүр хуудас - мэдээ Мэдээ, мэдээлэл

АПУ компани “Тогтвортой хөгжлийн төлөөх үндэсний чуулган”-ыг дэмжин ажиллаа

Post author By Azbileg T
Post date 9-р сар 7, 2023

АПУ ХК салбарын тогтвортой хөгжлийг хамтран бүтээх зорилгын хүрээнд бодитоор хэрэгжүүлсэн сайн туршлагуудаа өнөөдөр ‘Тогтвортой хөгжлийн үндэсний чуулган’-ы үеэр хуваалцаж, үйлдлээрээ нэгдэхийг бүх оролцогч талд уриаллаа.

Бид өөрийн ханган нийлүүлэх сүлжээнд нэмүү өртгийг жигд тарааж, малчид, тариаланчдын орлогыг өсгөх, цаашлаад орон нутгийн хөгжлийг хурдасгах, хот руу чиглэсэн шилжилт хөдөлгөөнийг сааруулах, импортыг орлох, экспортын боломжийг нээх зэрэг тогтолцооны өөрчлөлтүүдийг тогтвортой хөгжлийн бодлогын дагуу хийсээр байгааг бизнесийн салбарын сайн жишиг болгон үргэлжлүүлэн ажиллах юм.

Дэлгэрэнгүйг: Тогтвортой хөгжлийн төлөөх Үндэсний чуулган амжилттай зохион байгуулагдлаа | Монгол Улс дахь Нэгдсэн Үндэстний Байгууллага (un.org)

Мэдээллийн сан Онцлох мэдээлэл Нийгэмд чиглэсэн бодлого Нүүр хуудасны онцлох мэдээ Мэдээ, мэдээлэл

АПУ ХК-тай хамт дэлхийд өрсөлдөх брэнд бүтээцгээе

Post author By Azbileg T
Post date 5-р сар 29, 2023

Дэлхийд өрсөлдөх үндэсний компани АПУ ХК нь олон нийтэд чиглэсэн “CRAFT YOUR CAREER – Карьераа урла” ажлын байрны нээлттэй өдөрлөг зохион байгууллаа. Өдөрлөгийн үеэр АПУ ХК-ийн бүтэц, хүн төвтэй засаглал, тогтвортой хөгжлийн үйл ажиллагааг танилцуулан, автобус үйлчилгээ, урлагийн тоглолт, АПУ үйлдвэрийн аялал, хөгжөөнт тэмцээн гэх мэт олон үйл ажиллагаа өрнөлөө. Өдөрлөгт оролцсон оюутан, залуучууд сонирхсон болон нээлттэй ажлын байруудад анкет өгч, сонирхолоо илэрхийллээ.

АПУ ХК ажил, амьдралын тэнцвэрийг хадгалах, ажилтан бүрийн бие болон сэтгэл зүйн цогц эрүүл мэндийг дэмжих боломжийг олгох, уян хатан ажлын цаг зэрэг ажилтнууд руугаа чиглэсэн “APU Life” хөтөлбөр, сургалт хөжлийн “APU Academy”, “Менторшип хөтөлбөр”, шинэ ажилтан чиглүүлэх “Fast track” хөтөлбөр, “Удирдах ажилтны цогц манлайллын хөтөлбөр”, “Coaching” хөтөлбөр гэх мэт зорилтот олон төсөл, хөтөлбөр хэрэгжүүлж байна.

Мөн ажилтнуудын өөрсдийн санаачилгаар үүссэн “APU Hiking, APU Photo shooting, APU MUSIC, APU COOKING” зэрэг 13 төрлийн сонирхлын клубүүдыг идвэхтэй дэмжин ажиллаж, өөрсдийн сонирхлоо хөгжүүлэх боломж олгосоор байна.

Үүнээс гадна АПУ ХК нь дэлхийн топ үйлдвэрлэгчдийн нэг HEINEKEN компанитай менежментийн нэгдэл хийсэн бөгөөд энэ утгаараа ажиллагсдаа олон улсад туршилтаар ажиллуулах, туршлага судлуулах олон төрлийн дадлагын хөтөлбөр, ажлын байрны танилцах аялал зэргийг зохион байгуулж олон улсад өрсөлдөх чадвартай чадварлаг мэргэжилтнүүдийг бэлтгэсээр байгаа юм.

АПУ ХК дэлхийд өрсөлдөх, импортыг орлох Монгол брэндүүдийг бүтээгч болох зорилгодоо алхам алхамаар ойртож буй бөгөөд энэхүү үйлсэд нэгдэх хэн бүхнийг ажиллах таатай орчиндоо урьж байна.

Нээлттэй ажлын байрны мэдээлэл болон анкет бөглөх мэдээллийг доорх холбоосоор хүлээн аваарай.

Мэдээллийн сан Онцлох мэдээлэл Нүүр хуудасны онцлох мэдээ Хариуцлагатай хэрэглээг дэмжих Мэдээ, мэдээлэл

Соёлтой хэрэглээний трендийг түгээгч “Их хотын баяр LITE show 2023”-аар залуус “Гайхамшигт жолооч- Уусан бол жолоо барьдаггүй” аянд нэгдлээ

Post author By Azbileg T
Post date 5-р сар 29, 2023

“АПУ” ХК-аас 16 дахь жилдээ уламжлал болгон зохион байгуулж буй “Их хотын баяр” шар айргийн фестиваль энэ сарын 24, 25, 26-ны өдрүүдэд зохион байгуулагдлаа.

Жил бүр уламжлал болгон зохион байгуулж орчин цагийн энтертэйнмэнт ертөнцийн хамгийн шинэ соёлыг түгээж ирсэн энэхүү наадамд энэ жил 2000 гаруй зочид оролцлоо. Наадмын үеэр АПУ ХК “Нийслэл” шар айргийн “LITE” нэртэй хатуулаг багатай хувилбарыг шинээр зах зээлд танилцуулсан ба залуусыг зөв зохистой, хариуцлагатай хэрэглэхийг уриалж “Гайхамшигт Жолооч – Уусан бол жолоо барьдаггүй” санаачилгыг хэрэгжүүллээ.

АПУ ХК нь хариуцлагатай хэрэглээний соёлыг түгээн дэлгэрүүлэх зорилгоор энэ төрлийн мэдээллийн хүртээмжийг нэмэгдүүлэхийн тулд вэб цэс нэмэлтээр хөгжүүлж QR хэлбэрээр бүтээгдэхүүний шошгон дээр байршуулалт хийхийн зэрэгцээ хариуцлагатай хэрэглээний зөвлөмж, мэдээллүүдийг шинээр зах зээлд гаргаж буй бүтээгдэхүүний шошгон дээр ийнхүү байршуулж өгч эерэг нөлөөлөлд манлайлж байна.

“Гайхамшигт жолооч – Уусан бол жолоо барьдаггүй” хөтөлбөрийг ЦЕГ-ын Урьдчилан сэргийлэх хэлтсийн Тээврийн цагдаагийн алба болон албан ёсны такси, дуудлагын жолооч үйлчилгээний UBCab компанитай хамтран хэрэгжүүлж буй нь төр, хувийн хэвшлийн нягт хамтын ажиллагааны илрэл болж байгаа билээ.

Энэхүү хөтөлбөрийг олон улсын судалгаанд суурилсан зан төлөвийн өөрчлөлтийн аргачлалаар зохион байгуулж байгаа ба согтуугаар тээврийн хэрэгсэл жолоодохгүй байх амлалтад нэгдэхийг уриалан хэрэгжүүлж байгаа нь шинэлэг болж байгаа юм. Мөн судалгаагаар согтуугаар жолоо барьсан тохиолдлуудыг үнэлэхэд олон жил тээврийн хэрэгсэл жолоодсон жолооч тохиолдол гаргах нь давамгай байснаас үүдэлтэйгээр “Гайхамшигтай жолооч” гэж сайн, туршлагатай жолоочийг хэлэхгүй, харин “Уусан үедээ жолоо барьдаггүй” жолоочийг хэлэх тул ийнхүү хариуцлагатай байхыг уриалж, эерэг өөрчлөлтөд уриалж байна.

Бодлого

АЖИЛТНЫ ГАРЫН АВЛАГА

Post author By newmedia
Post date 3-р сар 15, 2023

Бодлого

МЕНЕЖЕРИЙН ГАРЫН АВЛАГА

Post author By newmedia
Post date 3-р сар 15, 2023

Бодлого

ХАРИЛЦАГЧ НАРТ ЗОРИУЛСАН ГАРЫН АВЛАГА

Post author By newmedia
Post date 3-р сар 13, 2023

Бодлого

ХАРИУЦЛАГАТАЙ СОГТУУРУУЛАХ УНДААНЫ ХЭРЭГЛЭЭНИЙ БОДЛОГО

Post author By newmedia
Post date 3-р сар 12, 2023

Тогтвортой хөгжил Хариуцлагатай хэрэглээг дэмжих

Соёлоор Гоёно

Post author By newmedia
Post date 8-р сар 20, 2021

АПУ ХК нь байгууллагын үнэт зүйлсдээ тулгуурлан 2021 оноос дараах үндсэн гурван чиглэлийн хүрээнд нийгмийн эерэг өөрчлөлт бий болгох нөлөөллийн кампанит ажлуудыг үе шаттайгаар зохион байгуулж байна:
” Байгаль орчинд ээлтэй соёл /хоггүй аялах, байгальд хог тарихгүй байх, хүрээлэн буй орчиндоо ээлтэй амьдрах/
” Урлаг, загвар, бизнесийн салбарынхан тэргүүтэй олон талт оролцоог бэхжүүлж өв соёлыг түгээн дэлгэрүүлэх, хариуцлагатай, э соёл, амьдрах хэв маягийг түгээн дэлгэрүүлэх, ухамсар, хандлагад нөлөөлөх
” Хариуцлагатай хэрэглээний соёлыг түгээн дэлгэрүүлэх

Орчин цагийн соёлт хүний нэрийн хуудас байгаль эх дэлхийгээ хайрлах соёлоос эхлэнэ.

Эх дэлхийгээ хайрлах, хоггүй, цэвэр цэмцгэр аялах соёлыг урлагаар дамжуулан уриалах “Соёлоор гоёно” цувралыг зохион байгууллаа

Тогтвортой хөгжил Хариуцлагатай хэрэглээг дэмжих

Шилээ дахин амьдруулъя

Post author By newmedia
Post date 8-р сар 20, 2021
Шилээ дахин амьдруулъя-д нэг ч сэтгэгдэл алга

Шилээ дахин амьдруулъя

Байгальд ээлтэй хариуцлагатай хэрэглээг дэмжиж, хог хаягдлыг бууруулах “Шилээ дахин амьдруулъя” хөтөлбөр хэрэгжүүлж, тойрог эдийн засгийг дэмжиж 2 дахин өндөр үнээр бүтээгдэхүүнийхээ шилийг хэрэглэгчдээс буцаан худалдан авах урамшууллын хөтөлбөр зарласан. Үүнээс гадна Монгол-Германы ашигт малтмал, технологийн их сургуультай хамтран “Монголд шилэн савлагаа дахин ашиглах тогтолцооны техник, эдийн засгийн боломжийг судлах” төслийг эхлүүлээд байгаа бөгөөд уг төслийн үр дүнд АПУ ХК-ийн бүтээгдэхүүний савлагааны байгальд үлдээх ул мөрийг эдийн засгийн тооцоотойгоор бодитой багасгах боломж бүрдүүлэхийг зорьж байна. Эхний хагас жилийн байдлаар бид нийт 6 сая гаруй ширхэг шил татан авсан байна.

Тогтвортой хөгжил Хариуцлагатай хэрэглээг дэмжих

Хог хаягдал

АПУ ХК нь үйлдвэрлэлээс гарч буй бүх төрлийн хатуу хог хаягдлын хүрээнд хог хаягдлын менежмент хэрэгжүүлдэг ба хог хаягдлын хэмжээг бууруулах, ландфиллд хаягдах хаягдлыг багасгах, дахивар хог хаягдлаа эргүүлэн ашиглах, дахин боловсруулахад чиглэн ажиллаж байна. Үүний хүрээнд үйлдвэрлэлийн хог хаягдлын хэмжээ энэ үеийн өмнөхтэй харьцуулахад 27% -иар буурсан байна. Бид хог хаягдлаа дахивар болон идэвхгүй хаягдал зэргээр дөрвөн төрөлд ангилж, цааш нь дахин боловсруулагдах хог хаягдлыг хоёрдогч болон дахин боловсруулах компаниуд руу нийлүүлдэг. Тухайлбал аюултай болон химийн хорт бодисын сав баглаа боодол болон хаягдал шилийг дахин боловсруулах үйлдвэрүүд рүү тус тус нийлүүлдэг боллоо. Үйлдвэрлэлээс гарч буй органик түүхий эд болох улаан буудай, арвайн соёолжийн үлдэгдлийг малчид фермерүүдэд, хөрөнгө, шаарыг тэжээлийн үйлдвэрт тогтмол нийлүүлж байна.

Хариуцлагатай хэрэглээг дэмжих

Бага болон алкохолгүй бүтээгдэхүүний инновацыг түүчээлэх

Согтууруулах ундаа уухыг хүсдэггүй хэрэглэгчдэд тохирсон бүтээгдэхүүнээр хангах тал дээр анхааран ажиллаж байна. Бидний зорилго бол бага болон огт алкохолгүй ангиллын талаарх хэрэглэгчдийн эерэг ойлголтыг бий болгох маркетингийн кампанит ажлуудаар дэмжиж, алкохолны агууламжгүй ундааны сонголтыг бий болгох явдал юм. Энэ дагуу бид Heineken 0.0 брэндийг Монголд танилцууллаа. Согтууруулах ундааны 0.0% ангилал 2020 онд дэлхийн хэмжээнд 4.7% -иар өссөн байна. (Эх сурвалж: Heineken)

Уур амьсгал

“Мод бид хоёр” төсөл

Post author By admin2
Post date 8-р сар 18, 2021
“Мод бид хоёр” төсөл-д нэг ч сэтгэгдэл алга

АПУ компани уур амьсгалын өөрчлөлтийн эсрэг “Ногоон соёлыг түгээе” уриатайгаар ‘Мод бид 2’ төслийг амжилттай хэрэгжүүлж байна.

Уг төсөл нь эхний ээлжинд ажиллагсдынхаа хашаанд мод, зүлэг тарих улмаар тэдний хөрш айлуудад нөлөөлөл бий болгон улмаар ногоон гудамж, хотыг бий болгох алсын зорилготой төсөл юм.

Уг санаачлагыг ажиллагсад таатай хүлээн авч гэр бүлийн гишүүн мэт хайрлаж хамгаалж ургуулах тухай ярилцсан бол ногоон байгууламжийг бүтээхэд гар бие оролцон ажилласан, төслийг гүйцэтгэсэн компанийн зүгээс хүнд хэцүү цаг үед жижиг дунд бизнесийг дэмжин хамтран ажилласанд талархаж буйгаа илэрхийлж байлаа. Уг төслийг цаашид урт хугацаандаа хэрэгжүүлэх бөгөөд ажиллагсад, тэдний хөрш зэргэлдээ айлууд, харилцагчид зэргээр үе шаттайгаар ногоон соёлыг түгээн ажиллахаар төлөвлөөд байна.

Хариуцлагатай хэрэглээг дэмжих

Solar power энергийн ундаа

Post author By admin2
Post date 8-р сар 18, 2021
Solar power энергийн ундаа-д нэг ч сэтгэгдэл алга

Бид энергийн ундаа, алкохолгүй ундааны ангилалд Solar Power брэндийг Монголд нийлүүлж байна. Solar power нь эрч хүчээр хангахын тулд зөвхөн байгалийн орц найрлагыг ашигладаг бөгөөд бусад энэ төрлийн бүтээгдэхүүнүүдээс бага хэмжээний сахар агуулдаг гэдгээрээ онцлогтой.

Боловсролыг дэмжих

Нийгмийн эерэг өөрчлөлтөнд манлайлагч оюутан залуусыг дэмжих “Маргаашийн Манлайлагчид” төсөл

Post author By admin2
Post date 8-р сар 18, 2021

АПУ ХК нь 2021 онд “Хүний хөгжлийн тогтвортой бодлого”-д онцгойлон анхаарч, нийгэмд эерэг өөрчлөлтийг авчрах манлайлагчдыг нээн илрүүлэх, тэднийг сурч боловсроход нь дэмжлэг үзүүлэх зорилгоор 100 оюутны тэтгэлэгт хөтөлбөр зарласан.

АПУ ХК-ийн нэрэмжит тэтгэлэгт хөтөлбөр нь мэргэжил болон курс харгалзахгүй өргөн цар хүрээнд зарлагддагаараа онцлог бөгөөд нийгэм, олон нийтийн ажилд идэвхтэй оролцдог, сургуульдаа тогтвортой суралцах зорилготой байх гэсэн маш энгийн шалгуурыг хангасан байх ёстой.

Тэтгэлэгт хөтөлбөрт шалгарсан оюутан бүтэн 10 сарын турш амьжиргааны зардал бүхий тэтгэлэг авахаас гадна уг тэтгэлэгт хөтөлбөрийн хамтрагч байгууллагуудын үйл ажиллагаатай танилцах дадлага ажил хийх, холбогдох сургалт, хөтөлбөрүүдэд хамрагдах ба цаашлаад АПУ ХК-нд ажиллах боломжтой болох томоохон ач холбогдолтой юм. Энэ нь “Тогтвортой Хөгжил”-ийн үндсэн суурь зарчим, зорилго(Зорилго 4. Хүртээмжтэй, тэгш чанартай боловсролоор хангах, хүн бүрийн насан туршдаа суралцах боломжийг дэмжин хөхүүлэх)-ыг бодитоор хэрэгжүүлэх ажил юм. Тэтгэлэгт хөтөлбөрийн хүрээнд эхний шатанд 1500 гаруй оюутан материал ирүүлсэн бөгөөд бид түүнээс шалгарсан 100 оюутнуудтайгаа нийгмийн шийдлээ хүлээж буй олон асуудлуудад гарц гаргалгаа гарган хамтран ажиллаж байна.

Хуурай газрын экосистемийг хамгаалах

Экологийн Цагдаагийн албатай хамтарсан “Байгаль Эн Тэргүүнд” төсөл

Post author By admin2
Post date 8-р сар 18, 2021

АПУ ХК нь “Тогтвортой хөгжлийн бодлого”-ын хүрээнд НҮБ-аас баталсан Тогтвортой хөгжлийн 15-р зорилго болох хуурай газрын эко системийг хамгаалах, тэр дундаа биологийн олон янз байдлыг хангахын тулд ховордсон ан амьтныг хамгаалах чиглэлээр “Байгаль эн тэргүүнд” төслийг Экологийн Цагдаагийн албатай хамтран амжилттай хэрэгжүүлэв. “Байгаль эн тэргүүнд” төслийн хүрээнд загас агнуурын зохистой дадал, хэвшил бий болгох, үржлийн үед агнахгүй байх ач холбогдлыг олон нийтэд ойлгуулах, гол, мөрний экосистемийн тэнцвэртэй байдлыг хангахын тулд загасаа хайрлан хамгаалах, өсгөн үржүүлэх ойлголт, мэдээллийг сайжруулах зорилгоор “Байгаль орчин, аялал жуулчлалын яам, Шинжлэх ухааны академийн Гео-Экологийн хүрээлэн, Хөдөө Аж Ахуйн Их сургууль”-тай хамтран мэдээ, мэдээлэл түгээх, эрдэм шинжилгээний хурал зохион байгуулах, судалгаа мэдээллийг сайжруулах ажлуудыг хийж гүйцэтгэлээ. Мөн уг төслийн хүрээнд “Зэрлэг амьтдаа хайрлая” аян зохион байгуулж хууль бусаар ан агнах гэмт хэрэг, зөрчлөөс урьдчилан сэргийлэх, биологийн олон янз байдлыг хамгаалах, нөхөн сэргээх, зүй зохистой ашиглах болон бүх нийтийн экологийн боловсролыг дээшлүүлэхийг зорилоо.

Монгол Улсын “Амьтны тухай хууль”-ийн 9, 10, 11, 12 дугаар зүйлийг хэрэгжүүлэх зорилгоор зохион байгуулсан “Зэрлэг амьтдаа хайрлая” болон “Үржлийн үед барихгүй” арга хэмжээнүүд нь иргэдийн байгаль орчинтой зөв харьцаж, хамгаалах мэдлэг ойлголтыг нэмэгдүүлсэн, буруу дадал хандлагыг сайжруулж эергээр нөлөөлсөн, зөв үйлдэлд уриалж сэдэлжүүлсэн ажил болсон гэж Экологийн Цагдаагийн албанаас онцолсон юм.

Зохистой хөдөлмөр ба Аюулгүй байдал

Бидний үйлдвэрлэл, үйл ажиллагаандаа баримтлах зарчим бол “Аюулгүй байдал үргэлж нэгт” юм.

Post author By admin2
Post date 8-р сар 17, 2021

Аюулгүй байдлын манлайлал
2021 онд АПУ компани “Аюулгүй ажиллагааны манлайлагч” аяныг 2 дахь жилдээ зохион байгууллаа. Аюулгүй ажиллагааны санал санаачилга гарган, эерэг зөв хандлагаар аюулгүй ажиллах технологийг өөртөө болон бусдад зуршил болгоход чиглэсэн, тасралтгүй 3 сар үргэлжлэх аянд Борлуулалтын газрын 127 ажилтан (худалдааны төлөөлөгч, мерчиндайзер, аудитор) болон Агуулах, тээвэр түгээлтийн албаны 134 жолооч амжилттай оролцож байна.

Зохистой хөдөлмөр ба Аюулгүй байдал

Ослын давтамж

Манай ослын давтамж 2021 оны эхний хагас жилийн байдлаар 100 хүн тутамд 0.0 үзүүлэлттэй байна. Энэ нь 2020 онтой харьцуулахад 100%-иар буурсан (100 FTE тутамд 0.19) бөгөөд бид 2021 оны зорилтоо биелүүлсэн гэсэн үг юм. Эхний хагас жилийн байдлаар хөдөлмөрийн чадвар алдалт үүссэн осол бүртгэгдээгүй, ажлын байран дээр анхны тусламж аваад ажлаа үргэлжлүүлсэн жижиг бэртлийн тохиолдол 7 бүртгэгдсэн байна.2021 оны эхний хагас жилд ослын тохиолдлууд буурсан нь COVID-19 цар тахлын үеийн хөл хорио, хязгаарлалттай холбоотой. Хөл хорио болон хязгаарлалтын хугацаанд ажилтнуудаа аль болох зайнаас ажиллуулах бодлого баримтлан гэрээсээ ажиллах нөхцөл бололцоогоор хангасан.

Зохистой хөдөлмөр ба Аюулгүй байдал

Бидний эрсдэлд суурилсан аюулгүй байдлын стратеги

Post author By admin2
Post date 8-р сар 17, 2021

Зохистой хөдөлмөр ба Аюулгүй байдал

Дэлхийн аюулгүй байдлын өдөр

Post author By admin2
Post date 8-р сар 17, 2021
Дэлхийн аюулгүй байдлын өдөр-д нэг ч сэтгэгдэл алга

Бид 2021 оны 4 дүгээр сарын 28-ны өдөр Дэлхийн Аюулгүй байдлын өдөрлөг зохион байгуулж, ‘Аюулгүй ажиллаад аз жаргалтай харьцгаая’ санаачилгыг бүх түвшний манлайлалаар хэрэгжүүлж, дотоод сувгуудаар аюулгүй байдлыг хангах уриалга, тэмцээнийг зохион байгуулсан.

Тогтвортой хөгжил Зохистой хөдөлмөр ба Аюулгүй байдал Uncategorized

Гэрээлэгчийн аюулгүй байдал

Post author By newmedia
Post date 8-р сар 17, 2021

Бид дэлхийн стандартаар дамжуулан гүйцэтгэгч, туслан гүйцэтгэгчдийн аюулгүй байдлыг хангах үүднээс Гүйцэтгэгчийн аюулгүй байдлын шинэ стандартыг нэвтрүүлсэн. Энэ нь өндөр эрсдэлтэй үйл ажиллагаанд төвлөрч, гэрээлэгчдийн мэргэшлийн болон менежментийн үйл явцыг оновчтой болгодог.

Зохистой хөдөлмөр ба Аюулгүй байдал

Хөдөлгөөний аюулгүй байдал

Post author By admin2
Post date 8-р сар 17, 2021

Монгол улсад жил тутам 20 мянга орчим зам, тээврийн осол бүртгэгддэг ба уг ослоос шалтгаалан 2020 онд 430 хүн амь насаа алдсан байна. (Эх сурвалж: ТЦА-ны эмхэтгэл). Замын хөдөлгөөний аюулгүй байдлыг хангах үүднээс тээврийн хэрэгсэл болон хөдөлгөөний аюулгүй байдлын үзлэг, шалгалт тогтмол хийж, аюулгүй байдлыг хангахад анхаарч ажиллаж байна.

Нийгэмд чиглэсэн бодлого

Дэм дэмэндээ-2 аянд нэгдэн өдрийн орлого тасалдсан иргэдэд тусламж үзүүлэв

Post author By admin2
Post date 8-р сар 17, 2021

Коронавируст цар тахлын нөлөөллийн улмаас ажлын байр нь түр хаагдсан, орлого нь тасалдсан айл өрхүүдэд тусламж үзүүлэх зорилгоор “Дэм дэмэндээ-2” аян нийслэлийн хэмжээнд өрнүүлсэн. Энэхүү аяны эхлэл болж АПУ ХК 500 багц хүнсний тусламжийг Сонгинохайрхан дүүргийн засаг даргад хүлээлгэн өгч, хүнс, ахуйн хэрэглээний тусламжийн багцыг дүүргийн 43 хорооны 500 өрхөд хүлээлгэн өглөө.

Нийгэмд чиглэсэн бодлого Тогтвортой хөгжил

Дархлаажуулалтын амин хүнс “Д” витаминтай сүүг ашгийн нэмэгдэлгүй хүргэв.

Post author By newmedia
Post date 8-р сар 16, 2021

Судалгаагаар монголчуудын 90 гаруй хувьд нь Д амин дэмийн дутагдалтай гэж гарсан байдаг. Тиймээс цар тахлын үетэй холбогдуулж “АПУ Дэйри” компани худалдан авагчдынхаа дархлааг дэмжихээр “Д” витаминаар баялаг “САЙН” сүүгээ үйлдвэрийн өртгөөр хүнсний дэлгүүрүүдэд 2 сарын турш худалдааллаа.

Тогтвортой хөгжил Зохистой хөдөлмөр ба Аюулгүй байдал

HEINEKEN-ийн амь насаа хамгаалах дүрмүүд

Post author By newmedia
Post date 8-р сар 16, 2021
HEINEKEN-ийн амь насаа хамгаалах дүрмүүд-д нэг ч сэтгэгдэл алга

HEINEKEN-ийн амь насаа хамгаалах дүрмүүд нь манай компанид ажилладаг бүх хүмүүст хамаатай аюулгүй ажиллагааны дүрмүүд юм. Эдгээр нь эрсдэлийг бууруулах хөтөлбөрөөр дэмжигддэг бөгөөд ноцтой, хүний амь нас алдах ослоос урьдчилан сэргийлэх түлхүүр юм.

Үйл ажиллагаа эрхэлдэг бүх компаниуд Амь насаа хамгаалах дүрмийг дагаж мөрдөх ёстой. 2021 онд бид үйлдвэрлэл үйл ажиллагаандаа амь насаа хамгаалах 12 дүрмийг бүрэн мөрдөн ажиллаж байна.

Нийгэмд чиглэсэн бодлого Тогтвортой хөгжил

Харилцагчдын мэдлэг, боловсролд хийх хөрөнгө оруулалт

Монгол Улсын шингэн хүнсний салбарт тэргүүлэгч, экспортын чиг баримжаатай үйлдвэрлэл эрхлэгч АПУ ХК нь Монгол орны өнцөг булан бүрт буй бизнес эрхлэгч, 10 мянга гаруй харилцагчдынхаа мэдлэг оюунд хөрөнгө оруулалт хийж, салбарын хөгжилд бодитоор хувь нэмэр оруулах зорилгоор “Амжилтын төлөө Хамтдаа 2021” цахим хэлэлцүүлэг зохион байгуулж олон нийтэд хүргэв.

Уг хэлэлцүүлгээр цар тахлын хүнд үед сорилт, бэрхшээлийг хэрхэн даван туулах талаар худалдаа үйлчилгээ эрхлэгчид, бизнесийн салбарынхан, сэтгэл зүйч, брэнд бүтээгчдийн төлөөлөл оролцож бодитоор нүүр тулсан хүндрэлүүдийг хэрхэн боломж болгон хувиргах талаар зөвлөгөө, мэдээлэл өгч нийт 700 гаруй мянган хүнд хүрлээ.

Тогтвортой хөгжил Зохистой хөдөлмөр ба Аюулгүй байдал

Аюулгүй системийг хөгжүүлэх

Post author By newmedia
Post date 8-р сар 15, 2021
Аюулгүй системийг хөгжүүлэх-д нэг ч сэтгэгдэл алга

Аюулгүй ажлын систем нь манай хүмүүсийг аюулгүй байлгахад чухал үүрэг гүйцэтгэдэг. Дэлхийн үйл явцын аюулгүй байдлын нийгэмлэгийг Үйл ажиллагааны аюулгүй байдлын төвөөс дэмжин хөгжүүлж байна.
Бид эрсдэлийн хувилбаруудад дүн шинжилгээ хийх, харилцан ойлголцох, эрсдэлийн талаарх ойлголтыг нэмэгдүүлэхэд эрсдэлийг үнэлэх аргыг боловсруулан, аюулгүй ажиллагааны ‘Эрдэлийг үнэлэх аргачлал’-г нэвтрүүлэв.

Тогтвортой хөгжил Зохистой хөдөлмөр ба Аюулгүй байдал

Аюулгүй байдал, эрүүл мэндийн арга хэмжээ

Post author By newmedia
Post date 8-р сар 10, 2021

Монгол Улсын хэмжээнд 2021 оны эхний хагас жил коронавирусын цар тахлын тархалт огцом нэмэгдэж хүн ардын эрүүл мэнд, эдийн засагт сөрөг нөлөөлөл үзүүлсэн. Бид 2021 оны эхний хагас жилд компанийнхаа нийт ажилтнуудыг коронавирусын эсрэг вакцинд хамруулах компанит ажлыг зохион байгуулснаар тавдугаар сарын байдлаар нийт ажилтнуудынхаа 92 хувийг вакцинд хамруулсан.

Мөн халдвар тархах эрсдэлээс сэргийлэх зорилгоор ариутгал, халдваргүйжүүлэлтийн тоног төхөөрөмжүүдээр ажлын орчныг тоноглох зэргээр шаардлагатай арга хэмжээнүүдийг авч хэрэгжүүлсэн байна. Эхний хагас ажилд 1480 ажилтнаа коронавирусын халдварын даатгалд хамруулжээ.